Ek bied tans 'n baie opwindende, 4 uur lange werkswinkel aan wat deur enige leerder bygewoon kan word en almal sal beslis baat vind daarin.

Hoekom moet leerders die workshop doen:
Die werkswinkel is gemik op leerders vanaf grade 8 tot 12. Dit word aangebied in groepe nie groter as 30 leerders nie. Groepe word klein gehou sodat elke leerder individuele aandag kan geniet. Hierdie 4-uur lange intense werkswinkel handel oor fisieke teater, met die fokus op mimiek (Klasiek en Modern). Die werkswinkel sal die leerder 'n beter idee gee van die ontstaan en ontwikkeling van die kunsvorm. Nie net is die fokus op Fisiese oefeninge nie, maar elke leerder wat die werkswinkel bywoon, sal ook huistoe gaan met 'n handleiding wat inligting bevat oor Fisieke Teater en Mimiek. Die teorie sal veral handig wees vir leerders wat Drama as vak neem (veral graad 12.)

Die werkswinkel help leerders om hulle kreatiwiteit uit te brei en hulle selfvertroue op te bou. Dit help ook leerders om gemaklik voor ander mense op te tree en selfs om hulle voor te berei vir toesprake.

Die werkswinkel bevorder die volgende:
Kommunikasie (Nie net spraak nie, maar ook fisies)
Selfbeeld, induvidiele- en groeps werk
Postuur
Leerders leer deur te speel
Meeste kinders sit voor die TV en rekenaars, nou kry hulle die kans om te beweeg
Gee leerders 'n beter begrip van Fisieke teater en Mimiek
Die leerder neem nie net fisies deel aan die klas nie maar word ook toegerus met teorie
Groepe is nie groter as 30 nie - sodat intensiewe aandag aan elke leerder gegee kan word
Werkswinkel is nie langer as 4 - ure nie met nodige breuke tussen in.

Wat is fisieke teater:
Fisieke Teater is 'n algemene term wat gebruik word vir enige vorm van optrede/opvoering van storievertelling deur hoofsaaklik die gebruik van die liggaam. Daar is 'n hele paar defenitiewe tradisionele vorme van optrede, wat beskryf kan word as Fisieke Teater. Dit kan lei tot groot verwarring oor wat Fisieke Teater regtig is.

Fisieke Teater is 'n kunsvorm wat jaarliks wêreldwyd groei. In Europa, veral, word Fisieke Teater beskou as 'n erkende kunsvorm. Die kunsvorm word meestal gesien op Feeste soos, "The London International Mime Festival" en die "Edinburgh Fringe Festival". Groepe soos "Complicite", "Theatre du Soleil," en "La Fura del Baus" is al vir dekades bekend as skeppers van nuwe en iniverende Fisieke Teater stukke waarmee hulle regoor die wêreld toer.

* Fisieke Teater word gewoonlik eerder geskep (of aangepas), as wat dit net van 'n bestaande teks geneem word.
* Fisieke Teater maak gebruik van musiek, dans, visuele kuns en teater.
* Fisieke Teater daag die tradisionele teaterganger gehoor se speler/gehoor verhouding uit.

Vir verdere inligting, besprekings en kostes kontak my gerus.